Uddhav Thackeray: भाजप उद्या दाऊदलाही मंत्री बनवेल: उद्धव ठाकरे

Uddhav Thackeray: भाजप उद्या दाऊदलाही मंत्री बनवेल: उद्धव ठाकरे


Uddhav Thackeray speech | मुख्यमंत्री उद्धव ठाकरेंची भाजप आणि देवेंद्र फडणवीसांवर घणाघाती टीका. हिंदुत्व आणि बाबरी मशिदीच्या मुद्द्यावरून टीकास्त्र. उद्या खरंच दाऊदला मंत्री बनवून तो सद्गुणांचा पुतळा कसा आहे, हेदेखील सांगायला भाजपवाले कमी करणार नाहीत. अशा चित्रविचित्र भानगडी करणारी माणसं स्वत:ला हनुमानाचे भक्त कसे म्हणवून घेऊ शकतात, असा सवाल उद्धव ठाकरे यांनी विचारला.

 

उद्धव ठाकरे

हायलाइट्स:

  • हनुमानाने आपल्या शेपटीला लागलेल्या आगीने लंका जाळली होती
  • बाबरी मशीद पडल्यानंतर भाजपवाले शेपट्या आत घालून बसले होते
मुंबई: करोनाच्या काळात महाराष्ट्रात अभिमान वाटावे, असे काम झाले. पण भाजपचे नेते सतत महाराष्ट्रात जणू काही भंगार राज्य चालले आहे, अशी टीका करतात. महाराष्ट्रात माफियाराज असल्याचे म्हणतात. सध्या भाजप दाऊदच्या (Dawood) मागे लागली आहे. पण उद्या दाऊद म्हणाला की, मी भाजपमध्ये प्रवेश करतो तर भाजपवाले त्यालाही मंत्री करतील, अशी खोचक टीका शिवसेना पक्षप्रमुख उद्धव ठाकरे (Uddhav Thackeray) यांनी केली. ते शनिवारी मुंबईच्या बीकेसी मैदानावरील सभेत बोलत होते.

यावेळी त्यांनी महाविकास आघाडी सरकारच्या कारभारावर सातत्याने टीका करणाऱ्या भाजपचा समाचार घेतला. उद्या भाजपवाले दाऊद इब्राहिमला मंत्री करायलाही मागेपुढे पाहणार नाहीत. कदाचित म्हणूनच भाजपवाले त्याच्यापाठी लागले असतील. भाजपवाले त्याला सांगत असतील बघ ईडी मागे लागलेले लोक आमच्या पक्षात कसे येतायत. आमच्यामध्ये ये मग तुला मंत्री बनवतो. उद्या खरंच दाऊदला मंत्री बनवून तो सद्गुणांचा पुतळा कसा आहे, हेदेखील सांगायला भाजपवाले कमी करणार नाहीत. अशा चित्रविचित्र भानगडी करणारी माणसं स्वत:ला हनुमानाचे भक्त कसे म्हणवून घेऊ शकतात, असा सवाल उद्धव ठाकरे यांनी विचारला.
तुम्ही बाबरीवर चढला असता तर तुमच्या वजानानेच बाबरी कोसळली असती: उद्धव ठाकरे
हनुमानाने आपल्या शेपटीला लागलेल्या आगीने लंका जाळली होती. पण बाबरी मशीद पडल्यानंतर भाजपवाले शेपट्या आत घालून बसले होते. बाबरी पडल्यावर तुमची वीतभर नाही तर मैलभर…. पळापळ झाली होती, अशी खोचक टिप्पणीही उद्धव ठाकरे यांनी केली. कोरोनात ज्या थाळ्या वाजवल्या त्या भरण्याचे आमचे काम ह्दयात राम हाताला काम हे आपले हिंदुत्व. संपूर्ण देशात स्टार्ट अप मध्ये महाराष्ट्र एक क्रमांकावर. हे तुम्हाला बघवत नाही म्हणून खोटे आरोप करणे सुरु आहे, असेही उद्धव ठाकरे यांनी म्हटले.
टीनपाट लोकांना सुरक्षा देताय, काश्मिरी पंडितांना द्या, उद्धव ठाकरेंनी सुनावलं
आम्ही कधी तुमच्या कुटुंबाची निंदानालस्ती केली नाही: उद्धव ठाकरे

महाराष्ट्राला बदनाम करतांना उद्वेग होतो. जे आरोप केले त्याचे पुढ काय झाले. सुशांतसिंगचे काय झाले.आम्ही कधी तुमच्या कुटुंबाची निंदानालस्ती केली नाही. एकतर्फी प्रेम करुन महाराष्ट्र विद्रुप करायचा यांचा प्रयत्न. या एकत्र बसून महाराष्ट्र पुढे नेऊया घेऊन या योजना. महाराष्ट्र हिंदुत्वाची तुम्ही काळजी करु नका, असेही उद्धव ठाकरे यांनी म्हटले.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : if dawood ibrahim joins bjp they will make him minister says uddhav thackeray
Marathi News from Maharashtra Times, TIL Network



Source link

Leave a Reply

Your email address will not be published.

en_USEnglish
%d bloggers like this: