कर वाढवताना आम्हाला विचारलेलं का? महाराष्ट्रानंतर आणखी एका राज्याचा केंद्रावर पलटवार

नवी दिल्ली : केंद्र सरकारनं पेट्रोल आणि डिझेलवरील केंद्रीय अबकारी कर कमी करण्याचा निर्णय काल घेतला. पेट्रोलवरील अबकारी कर ८ रुपयांनी तर डिझेलवरील कर ६ रुपयांनी कमी करण्याचा निर्णय घेतला. यामुळं पेट्रोल ९ रुपये ५० पैसे तर डिझेल ७ रुपयांनी स्वस्त होणार आहे. केंद्राच्यावतीनं हा निर्णय जाहीर करताना केंद्रीय मंत्री निर्मला सितारमण यांनी बिगरभाजपशासीत राज्यांना विशेष आवाहन केलं होतं. या राज्यांनी आता त्यांच्या पेट्रोल आणि डिझेलवरील करात कपात करावी, असं त्या म्हणाल्या. यानंतर महाराष्ट्राचे मुख्यमंत्री उद्धव ठाकरे यांनी केंद्र सरकारनं केंद्रीय अबकारी कर पहिले जेवढे होते, त्या पातळीवर नेण्याचं आवाहनं केलं. महाराष्ट्रापाठोपाठ तामिळनाडूनं केंद्राच्या निर्णयावर टीका केली आहे.

तामिळनाडूचे अर्थमंत्री डॉ. पी. थियाग राजन (Dr P Thiaga Rajan) यांनी शनिवारी रात्री उशिरा निर्मला सितारमण यांच्या ट्विटला रीट्विट करत प्रत्युत्तर दिलं आहे. पी. थियाग राजन यांनी केंद्र सरकारनं कर वाढवताना राज्यांना विचारलं नव्हतं. २०१४ मध्ये पेट्रोल आणि डिझेलवर जे कर होते त्यामध्ये वाढ केली आहे पेट्रोलवरील कर २५० टक्के आणि डिझेलवरील कर ९०० टक्केंपेक्षा अधिक वाढवला होता.
उद्धवना टोला अन् मोदींना विनंती; औरंगाबाद नामांतरासह राज यांच्या तीन मागण्या
तुम्ही लादलेल्या वाढीव करापैकी ५० टक्के कर कपात करता आणि राज्य सरकारांना कर कपात करण्याचं आवाहन करता हे कोणता संघराज्यवाद आहे, असं पी. थियाग राजन म्हणाले.

उद्धव ठाकरे काय म्हणाले?

केंद्र सरकारने दोन महिन्यांपूर्वी पेट्रोलवरचा अबकारी कर प्रति लिटर १८.४२ रुपये इतका वाढविला होता आणि आज तो ८ रुपयांनी कमी केल्याची घोषणा केली आहे. डिझेलवरील अबकारी करदेखील १८ रुपये २४ पैशांनी वाढविले आणि आता ६ रुपयांनी कमी केल्याची घोषणा केली आहे. आधी किंमती भरमसाठ वाढवायच्या आणि नंतर नाममात्र कमी करून दर कमी केल्याचा आव आणायचा हे बरोबर नाही. आकडेवारीच्या जंजाळात नागरिकांना अडकवून न ठेवता सहा सात वर्षांपूर्वी असलेल्या अबकारी कराइतकी कपात केल्यासच खऱ्या अर्थाने देशातील नागरिकांना दिलासा मिळणार आहे असे मुख्यमंत्री म्हणाले होते.
अयोध्या वारी खुपली, विरोधासाठी महाराष्ट्रातून रसद पुरवली गेली | राज ठाकरे