लाच मागितल्या प्रकरणी आरोग्यमंत्र्यांना अटक; ६२ दिवसांपूर्वीच म्हणाले, भ्रष्टाचार खपवून घेणार नाही

लाच मागितल्या प्रकरणी आरोग्यमंत्र्यांना अटक; ६२ दिवसांपूर्वीच म्हणाले, भ्रष्टाचार खपवून घेणार नाही

[ad_1]

चंदीगड : भ्रष्टाचाराच्या प्रकरणामुळे पंजाबमधील वातावरण ढवळून निघालं आहे. पंजाबचे मुख्यमंत्री भगवंत मान(Bhagwant Maan) यांनी आप सरकारमधील आरोग्यमंत्री डॉ. विजय सिंगला (Vijay Singla) यांची भ्रष्टाचाराच्या आरोपावरून हकालपट्टी केली आहे. पंजाब पोलिसांच्या लाचलुचपत प्रतिबंधक शाखेकडून त्यांच्यावर भ्रष्टाचाराचा गुन्हा दाखल करण्यात आला असून अटक करण्यात आल्याची माहिती आहे.

सगळ्यात महत्त्वाचं म्हणजे पंजाबचे आरोग्यमंत्री असताना विजय सिंगला यांनी २३ मार्च रोजी भ्रष्टाचार खपवून घेणार नसल्याची घोषणा केली होती. इतकंच नाहीतर भ्रष्टाचाऱ्यांवर शून्य सहनशीलता दाखवली जाणार असा दावाही त्यांनी केला होता. त्यांच्या या विधानानंतर अगदी ६२ दिवसांनी म्हणजेच २४ मे रोजीच ते भ्रष्टाचाराच्या प्रकरणात अडकले.

लाच मागणाऱ्या आरोग्यमंत्र्याची हकालपट्टी; CM भगवंत मान यांनी घेतला धडाकेबाज निर्णय
भगवंत मान यांच्या सरकारचं हे अत्यंत मोठं आणि धाडसी पाऊल असल्याची सध्या चर्चा सुरू आहे. अधिक माहितीनुसार, सिंगला यांच्यावर पंजाबच्या आरोग्य विभागातील(Punjab Health Minister) प्रत्येक कामासाठी आणि निविदांसाठी १% कमिशन मागितल्याचा आरोप करण्यात आला आहे. यासंबंधी चौकशीनंतर भगवंत मान यांनी आरोग्यमंत्र्यांना पदावरून बडतर्फ केलं आहे. विजय सिंगला हे व्यवसायाने डेंटिस्ट आहेत. सिद्धू मुसेवाला यांना पराभूत करत त्यांनी मानसा मतदारसंघातून विजय मिळवला होता.

कोण आहेत डॉ. विजय सिंगला?

वय – ५२ वर्षे
मतदारसंघ – मानसा
शिक्षण – पंजाबी युनिव्हर्सिटी, पटियाला इथून १९९२ मध्ये डेंटल सर्जरीमध्ये पदवी
व्यवसाय- डेंटल सर्जन
मालमत्ता- ६.५ कोटी

इंदोरीकर महाराजांचे ३० मेपर्यंत सर्व कार्यक्रम रद्द, गैरसोयीबद्दल दिलगीरी मागत काढलं पत्रक
सिंगला हे ६.५ कोटींच्या मालमत्तेचे मालक

पंजाब विधानसभा निवडणुकीत मानसा मतदारसंघातून डॉ. विजय सिंगला यांनी लोकप्रिय पंजाबी गायक शुभदीप सिंग सिद्धू मुसेवाला यांचा ६३,३२३ मतांनी पराभव केला होता. त्यांनी डेंटल सर्जरीमध्ये शिक्षण घेतलं असून व्यावसायाने ते व्यवसायाने डेंटल सर्जन आहेत. शहरात त्यांचं दंत चिकित्सालयदेखील आहे. सिंगला यांनी सात वर्षांपूर्वी ‘आप’मध्ये प्रवेश केला होता. डॉ.विजय सिंगला यांच्याकडे एकूण ६.५ कोटींची संपत्ती आहे.

१९ मार्च रोजी घेतली मंत्रीपदाची शपथ

मानसा मतदारसंघामध्ये आम आदमी पक्षाच्या लाटेत काँग्रेस फार टिकू शकली नाही. इथे डॉ. विजय सिंगला यांनी मोठा विजय मिळवला. डॉ. विजय सिंगला यांनी १९ मार्च रोजी पंजाबमध्ये मंत्री म्हणून शपथ घेतली होती. ते पंजाबचे आरोग्य आणि कुटुंब कल्याण आणि वैद्यकीय शिक्षण मंत्री होते.

दरम्यान, पंजाबच्या सीएमओच्या म्हणण्यानुसार, सिंगला यांना सबळ पुराव्याच्या आधारे पदावरून हटवण्यात आलं आहे. ही तक्रार सीएम भगवंत मान यांच्यापर्यंत पोहोचल्यावर याची कसून चौकशी करण्यात आली. इतकंच नाहीतर सिंगला यांना बोलावून चौकशी केली असता त्यांनी आपली चूक मान्य केली. त्यानंतर त्यांना पदावरून बडतर्फ करण्यात आले.

कुतुबमिनारमध्ये पूजेचा अधिकार देता येणार नाही; पुरातत्व विभागाने सांगितलं कारण

[ad_2]

Source link

Leave a Reply

Your email address will not be published. Required fields are marked *