शिवसेना नेते अनिल परब यांच्यावर ‘ईडी’ची मोठी कारवाई; मनी लाँन्ड्रिंगचा गुन्हा दाखल

शिवसेना नेते अनिल परब यांच्यावर ‘ईडी’ची मोठी कारवाई; मनी लाँन्ड्रिंगचा गुन्हा दाखल


anil parab | ईडीकडून नक्की कोणत्या ठिकाणांवर छापे टाकण्यात आले आहे, याची माहिती अद्याप समोर आलेली नाही. मात्र, अनिल परब यांचे दापोलीतील रिसॉर्ट आणि वाहतूक विभागाचे अधिकारी बजरंग खरमाटे यांच्याशी संबंधित प्रकरणात ही कारवाई झाल्याचे समजते. ईडीच्या कारवाईने शिवसेनेला मोठा धक्का. ईडीने अनिल परब यांच्यावर गुन्हा दाखल केल्याने त्यांना अटक होण्याची शक्यता.

 

अनिल परब, शिवसेना नेते

हायलाइट्स:

  • ईडीच्या या कारवाईमुळे अनिल परब यांच्यासमोरील अडचणी वाढण्याची शक्यता
  • या छाप्यांमधून ईडीच्या हाती कोणती माहिती आणि पुरावे लागणार, हे पाहावे लागेल
मुंबई: राज्याचे परिवहनमंत्री आणि शिवसेना नेते अनिल परब यांच्यावर सक्तवसुली संचलनालयाकडून (ED) आर्थिक गैरव्यवहारप्रकरणात गुन्हा दाखल करण्यात आला आहे. तसेच अनिल परब (Anil Paraba) यांच्याशी संबंधित राज्यातील सात ठिकाणांवर ईडीकडून छापे टाकण्यात आले आहे. या छाप्यांमधून ईडीच्या हाती कोणती माहिती आणि पुरावे लागणार, हे पाहावे लागेल. ईडीच्या या कारवाईमुळे अनिल परब यांच्यासमोरील अडचणी वाढण्याची शक्यता आहे. आता ईडीकडून लवकरच अनिल परब यांना चौकशीसाठी बोलावले जाऊ शकते.

मुंबई, पुणे आणि दापोली परिसरात हे छापे टाकण्यात आल्याची प्राथमिक माहिती आहे. आज सकाळी ईडीने अनिल परब यांचे शासकीय निवास्थान शिवालय आणि वांद्रे येथील खासगी निवासस्थानासह त्यांच्याशी संबंधित सात ठिकाणांवर छापा मारला आहे. या सर्व ठिकाणी ईडीकडून झाडाझडती सुरु आहे. अनिल परब यांच्यावरील ही कारवाई शिवसेनेसाठी मोठा धक्का मानला जात आहे.
‘दापोली पोलीस ठाण्यात लागलेल्या आगीत अनिल परबांच्या बेकायदेशीर रिसॉर्टची कागदपत्रे जळून खाक?’
काही दिवसांपूर्वीच महाविकास आघाडीचे मंत्री नवाब मलिक यांच्यावरही ईडीने आर्थिक गैरव्यवहाराचा गुन्हा दाखल करून त्यांना अटक केली होती. तब्बल दोन महिन्यांपासून नवाब मलिक हे तुरुंगात आहेत. आता अनिल परब यांच्यावरही ईडीने थेट गुन्हाच दाखल केल्याने त्यांच्या अडचणी वाढल्याचे बोलले जात आहे. आता ईडीकडून अनिल परब यांना अटक केली जाणार का, हे पाहावे लागेल.
Anil Parab vs Kirit Somaiya: हिंमत असेल तर दापोलीतील साई रिसॉर्ट तोडून दाखवाच; अनिल परब यांचे सोमय्यांना आव्हान
या कारवाईच्या पार्श्वभूमीवर भाजप नेते किरीट सोमय्या यांनी तातडीने प्रसारमाध्यमांना प्रतिक्रिया दिली. यापूर्वी अनिल देशमुख आणि नवाब मलिका यांच्यावर कारवाई झाली. आता अनिल परब यांनीही बॅग भरायला घ्यावी, असा सूचक इशारा किरीट सोमय्या यांनी दिली. त्यामुळे अनिल परब यांच्यावर अटकेची कारवाई होण्याची दाट शक्यता आहे. कोणतेही ठोस पुरावे हाती लागल्याशिवाय ईडीकडून संबंधित व्यक्तीविरोधात गुन्हा दाखल केला जात नाही. त्यामुळे अनिल परब यांच्याविरोधात ईडीच्या हाती ठोस पुरावे लागले असावेत, अशी शक्यता वर्तविण्यात येत आहे. आता ईडीच्या छापेमारीत आणखी कोणते नवे पुरावे समोर येतात का, हे पाहावे लागेल.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : ed files money laundering case shivsena leader anil parab
Marathi News from Maharashtra Times, TIL Network



Source link

Leave a Reply

Your email address will not be published.

en_USEnglish