ममतादीदी महाराष्ट्राच्या एक पाऊल पुढे, राज्यपालांचे कुलपती पद स्वत: कडे घेण्याचा निर्णय

ममतादीदी महाराष्ट्राच्या एक पाऊल पुढे, राज्यपालांचे कुलपती पद स्वत: कडे घेण्याचा निर्णय

[ad_1]

कोलकाता : पश्चिम बंगालच्या मुख्यमंत्री ममता बॅनर्जी (Mamata Banerjee) लवकरच राज्यातील विद्यापीठांच्या कुलपती होऊ शकतात. आज झालेल्या पश्चिम बंगालच्या मंत्रिमंडळ बैठकीत हा निर्णय घेण्यात आला आहे. राज्यपालांकडे असणारे कुलपती पद येणाऱ्या काळात मुख्यमंत्र्यांकडे देण्यासंदर्भातील विधेयक विधानसभेत सादर केलं जाणार आहे. पश्चिम बंगालचे शिक्षण मंत्री ब्रत्य बसू यांनी हा माहिती दिली आहे. महाराष्ट्रात देखील विद्यापीठ सुधारणा कायद्यावरुन महाविकास आघाडी सरकार आणि भाजप यांच्यात संघर्ष झाला होता.

निर्णय का घेतला?
पश्चिम बंगालच्या विद्यापीठांमधील कुलगुरुंच्या नियुक्तीवरुन राज्य सरकार आणि राज्यपाल यांच्यातील संघर्ष समोर आला होता. पश्चिम बंगालचे राज्यपाल जगदीप धनखड यांनी राज्य सरकारच्या संमतीशिवाय काही कुलगुरुंची निवड केली होती. त्यामुळं पश्चिम बंगालमधील ममता बॅनर्जी यांच्या तृणमूल सरकारनं राज्यपालांचे अधिकार कमी करण्याचा निर्णय घेतला आहे.
राऊतांच्या जोडीला आणखी एक ‘संजय’, अर्ज भरताना ‘मविआ’च्या एकीचं दर्शन
केंद्र सरकार आणि ममता बॅनर्जी यांच्या सरकारमध्ये अनेक मुद्यांवरुन संघर्ष दिसून आलेले आहे. केंद्र सरकारच्या संस्कृती मंत्रालयाकडून कोलकातामधील विक्टोरिया मेमोरियल मधील कार्यक्रमात ममता बॅनर्जींना आमंत्रित करण्यात आलं नव्हतं. या पार्श्वभूमीवर हा निर्णय घेण्यात आला आहे.

पश्चिम बंगालचे राज्यपाल जगदिप धनखड आणि मुख्यमंत्री ममता बॅनर्जी यांच्यातील वाद सर्वश्रूत आहे. ममता बॅनर्जी यांनी राज्यपालांना जानेवारी महिन्यात ट्विटरवरुन ब्लॉक केलं होतं. त्यावेळी ममता बॅनर्जींनी राज्यपालांवर गंभीर आरोप केले होते. ममता बॅनर्जीं यांनी त्यावेळी राज्यपालांकडून राज्याचे मुख्य सचिव, पोलीस महानिरीक्षकांना धमकी देण्यात येत असल्याचा आरोप केला होता.
औरंगाबादकरांसाठी मोठा दिलासा! शहराच्या पाणी पुरवठ्यात झाली मोठी वाढ
पश्चिम बंगालचं महाराष्ट्राच्या पुढचं पाऊल
महाराष्ट्रातील महाविकास आघाडी सरकारनं महाराष्ट्र विद्यापीठ कायद्यात सुधारणा करुन राज्यपालांच्या अधिकारांवर मर्यादा आणणारं विधेयक मंजूर केलं होतं. त्या सुधारणा विधेयकाद्वारे राज्याच्या उच्च व तंत्र शिक्षणमंत्र्यांकडे प्र-कुलगुरु पद देण्याचा निर्णय घेतला होता. मात्र, महाराष्ट्राचे राज्यपाल भगतसिंह कोश्यारी यांनी त्या विधेयकाला अद्याप मंजुरी दिलेली नाही. तर, पश्चिम बंगाल सरकारनं राज्यपालांकडे असणारं कुलपती पद मुख्यमंत्र्यांकडे घेण्याचा निर्णय महाराष्ट्राच्या पुढे एक पाऊल टाकणारा ठरण्याची शक्यता आहे.

शिवसेनेने पाठिंबा नाकारल्यानंतर संभाजीराजेंची फेसबुक पोस्ट चर्चेत

[ad_2]

Source link

Leave a Reply

Your email address will not be published. Required fields are marked *