१३ तास बोलून आलोय, ईडीच्या छाप्यानंतरही ‘टेन्शन फ्री’ अनिल परबांची पत्रकारांना गुगली

१३ तास बोलून आलोय, ईडीच्या छाप्यानंतरही ‘टेन्शन फ्री’ अनिल परबांची पत्रकारांना गुगली

[ad_1]

मुंबई : महाराष्ट्राचे परिवहन मंत्री अनिल परब (Anil Parab) यांच्या शासकीय निवास्थानासह, वांद्रे येथील खासगी निवासस्थान आणि इतर ठिकाणी ईडीनं (ED) आज धाडी टाकल्या. अनिल परब यांनी ईडीचे अधिकारी बाहेर पडल्यानंतर अनिल परब यांनी पत्रकारांशी संवाद साधला. आज ईडीच्या अधिकाऱ्यांनी माझ्या शासकीय निवासस्थानावर, मी राहतो त्या घरी, माझ्याशी संबंधित ठिकाणांवर आणि व्यक्तींवर छापे घातले आले आहेत, असं अनिल परब म्हणाले. माझ्यावर छापे टाकण्यात येणार अशा चर्चा सुरु होत्या. या मागील कारणाचा शोध घेतला असता दापोलीतील रिसॉर्ट असल्याचं समोर आलं. त्या रिसॉर्टची मालकी सदानंद कदम यांची आहे. सदानंद कदम यांनी न्यायालयात मालकी हक्क सांगितला आहे, अशी माहिती परब यांनी दिली. जे रिसॉर्ट सुरु नाही, त्यातून समुद्रात सांडपाणी जातं, असा गुन्हा पोलीस ठाण्यात दाखल करण्यात आला आहे. पर्यावरणाची दोन कलम लावून केंद्रीय पर्यावरण मंत्रालयानं गुन्हा दाखल केला, असं अनिल परब म्हणाले.

Big Breaking : व्यावसायिक अविनाश भोसले यांना सीबीआयकडून अटक

समुद्रात बंद असलेल्या रिसॉर्टचं सांडपणी जात असेल तर मनी ट्रेलिंगचा विषय कुठं आला असं अनिल परब म्हणाले. जे रिसॉर्ट सुरु नाही त्याबद्दल प्रदूषण महामंडळ, पोलीस आणि प्रांतानी अहवाल दिला आहे. माझ्या नावानं तक्रार देण्यात आली. त्या तक्रारीला प्रेडिगेट गुन्हा समजून ईडीनं आज कारवाई केली. मला त्यांनी विचारलेल्या सर्व प्रश्नाांची उत्तरं दिली आहेत. ज्या यंत्रणा मला प्रश्न विचारतील त्याला मी उत्तर देणार आहे. याच्या पुढं देखील प्रश्न विचारले तरी त्याला उत्तर देण्याची माझी तयारी आहे. या सर्व गोष्टींचा खुलासा चौकशीअंती होईल, या पुढेही चौकशीला सामोरं जाण्याची तयारी आहे, असं अनिल परब म्हणाले. ईडीचे अधिकारी बाहेर कोण कोण पत्रकार आहेत ज्यांना आमच्यामुळं थांबावं लागलं, अशी गुगली अनिल परब यांनी टाकली.

मंत्री अनिल परब यांची ईडीकडून १३ तास मॅरेथॉन चौकशी, कारवाईनंतर पहिली प्रतिक्रिया

मी प्रत्येक गोष्टी कायद्याला समोर ठेऊन बघत असतो. आजची चौकशी ही रिसॉर्टसंदर्भात असल्याचं अनिल परब म्हणाले. इन्कम टॅक्सचा रिपोर्ट अजून यायचा आहे. ६ कोटींबद्दल विचारलं असता त्या पेरलेल्या बातम्या आहेत, असं परब म्हणाले. मी जी काही कागदपत्रं दिली आहेत ती ईडीनं घेतली आहेत, बाकी काय जप्त केलेलं नाही, असं अनिल परब म्हणाले. ज्या लोकांवर छापे पडले आहेत त्यापैकी किती लोकांचा रिसॉर्टशी संबंध आहे हे कळत नाही. मात्र, आम्ही या कारवाईचं उत्तर देऊ, असं अनिल परब म्हणाले आहेत.

दरम्यान, अनिल परब ईडीचे अधिकारी बाहेर पडल्यानंतर थेट मुख्यमंत्री उद्धव ठाकरे यांच्या भेटीसाठी वर्षावर दाखल झाले आहेत. मुख्यमंत्री आणि अनिल परब यांच्या महत्त्वाची बैठक सुरु असल्याची माहिती आहे.

अनिल परबांवरील कारवाईचा महाविकास आघाडीवर कोणताही परिणाम होणार नाही | एकनाथ शिंदे

[ad_2]

Source link

Leave a Reply

Your email address will not be published. Required fields are marked *