२२ वर्षीय तरुणाला ८ वर्ष झाडाला बांधून ठेवले; कारण ऐकून तुम्हालाही बसेल धक्का

२२ वर्षीय तरुणाला ८ वर्ष झाडाला बांधून ठेवले; कारण ऐकून तुम्हालाही बसेल धक्का


राजकोटः उन, पाऊस असो कडाक्याची थंडी या वातावरणात व्यक्तीला आठ वर्ष एकाच झाडाला बांधून ठेवल्यास त्याची काय अवस्था होईल?, ही कल्पना करुनच आपल्या अंगावर काटा येतो. मात्र, गुजरातमधल्या राजकोट जिल्ह्यात असाच एक प्रकास उघडकीस आला आहे. २२ वर्षीय मुलाला गेल्या आठ वर्षांपासून झाडाला बांधून ठेवण्यात आले होते.

२२ वर्षांचा महेश आठ वर्षांपूर्वी अचानक आक्रमक झाला. त्याने दुसर्यांवर हल्ला, दगडफेक करण्यास सुरुवात केली. त्याच्या या रोजच्या त्रासाला पालक कंटाळले होते. त्यातच घरच्या गरिबीमुळं महेशवर उपचारही होत नव्हते. त्यामुळं महेशच्या कुटुंबीयांनी त्याला नग्नावस्थेत झाडाला बांधून ठेवले.

वाचाः How To Murder Your Husbandच्या लेखिकेने तिच्याच पतीची केली हत्या; काय घडलं नेमकं?

महेश हा मनसिक रुग्ण आहे. त्यामुळं तो अचानक आक्रमक होतो. त्याच्याजवळ कोणी गेल्यास तो त्यांच्यावर दगड फेकायचा, असं महेशचे वडिल प्रागजी ओलकिया यांनी म्हटलं. तसंच, घरची आर्थिक स्थिती चांगली नसल्याने त्यांच्यावर उपचार करणे परवडत नव्हते. म्हणून त्यांनी एका झाडाला लोखंडी साखळ्यांनी बांधून ठेवले होते.

वाचाः मुख्यमंत्र्यांसोबतच्या भेटीत काय घडलं? संभाजीराजेंनी सांगितली Inside Story

सोशल मीडियावरील कॉमेडिअन नितीन जानी याला अलीकडेच या परिवाराच्या परिस्थितीबाबत माहिती मिळाली. त्यावर लगेचच त्यांनी या कटुंबाच्या मदतीसाठी धाव घेतली. गावाच्या बाहेर या कुटुंबाला घर बांधून देण्यात आले. तिथे वीज व पंख्यांची व्यवस्थाही करण्यात आली. तसंच, महेशला सोडवून त्याला जेवणही देण्यात आले. येत्या दोन तीन दिवसांत महेशला उपचारांसाठी मनोविकारतज्ज्ञांकडे नेण्यात येईल, अशी माहिती नितीन जानी यांनी दिली.

वाचाः लग्नाच्या वरातीत घडला भयंकर प्रकार; तरुण दारू पिऊन आला आणि…



Source link

Leave a Reply

Your email address will not be published.

en_USEnglish