मुख्यमंत्र्यांनी १८ मंत्र्यांना विचारले दोन प्रश्न, मंत्रिमंडळाचे खातेवाटप लांबणीवर पडण्याची चिन्हं


मुंबई : एकनाथ शिंदे आणि देवेंद्र फडणवीस यांच्या मंत्रिमंडळाचा बहुप्रतीक्षित विस्तार तर झाला, मात्र खातेवाटप लांबणीवर पडण्याची शक्यता आहे. कारण म्हणजे आज बैठकीत मुख्यमंत्री एकनाथ शिंदे यांनी १८ मंत्र्यांना दोन महत्त्वाचे प्रश्न विचारले. सर्व मंत्र्यांना प्रत्येकी दोन ते तीन खात्यांचे ऑप्शन मागितल्याची माहिती मिळत आहे. तर सरकारी निवासस्थानाबद्दल देखील प्रत्येक मंत्र्यांकडून दोन ते तीन बंगल्यांचे ऑप्शन मागण्यात आल्याची माहिती सूत्रांनी दिली आहे. मंत्रिमंडळ विस्तारानंतर

शिंदे-फडणवीस सरकारचा बहुप्रतिक्षीत मंत्रिमंडळ विस्तार अखेर ४० दिवसांनी पार पडला. मंत्रिमंडळ विस्तारानंतर आता सर्वांना खातेवाटपाची उत्सुकता लागली आहे. मात्र, सूत्रांच्या हवाल्याने पुढे येत असलेल्या माहितीनुसार, मंत्रिमंडळाच्या खातेवाटपात भाजप (BJP) सर्व महत्त्वाची खाती आपल्याकडे ठेवण्याची शक्यता आहे. तर शिंदे (Eknath Shinde Camp) गटाला तुलनेत कमी महत्त्वाची आणि जुनीच खाती मिळण्याची चिन्हं आहेत.

कुणाला कुठलं खातं द्यायचा आणि कुठला बंगला द्यायचा याचा निर्णय मुख्यमंत्री आणि उपमुख्यमंत्री एकत्र बसून घेणार आहेत. खाते वाटप आणि बंगले वाटप करताना मंत्र्यांची नाराजी होऊ नये यासाठी शिंदे आणि फडणवीस यांचा प्रयत्न असेल. म्हणूनच खातेवाटप लांबणीवर पडण्याची शक्यता आहे.

आतापर्यंत समोर आलेल्या माहितीनुसार, मुख्यमंत्रिपद स्वतः शिंदे यांच्याकडे असल्याने महत्त्वाची खाती भाजपकडे दिली जाणार असून उपमुख्यमंत्री देवेंद्र फडणवीस यांच्याकडे वित्त तसेच गृह खाते दिले जाण्याची शक्यता आहे. याशिवाय, भाजपच्या प्रमुख नेत्यांकडे महसूल, जलसंपदा, ग्रामविकास आणि सार्वजनिक बांधकाम अशी खाती जाण्याची शक्यता आहे.

शिंदे फडणवीस सरकारचे संभाव्य खातेवाटप

भाजपकडून संभाव्य खातेवाटप कसे?

देवेंद्र फडणवीस – गृह आणि अर्थ मंत्रालय
राधाकृष्ण विखे पाटील – महसूल आणि सहकार मंत्रालय
सुधीर मुनगंटीवार – ऊर्जा आणि वन मंत्रालय
चंद्रकांत पाटील – सार्वजनिक बांधकाम मंत्रालय
विजयकुमार गावित – आदिवासी विकास मंत्रालय
गिरीश महाजन – जलसंपदा मंत्रालय
सुरेश खाडे – सामाजिक न्याय मंत्रालय
रवींद्र चव्हाण – गृहनिर्माण मंत्रालय
अतुल सावे – आरोग्य मंत्रालय
मंगलप्रभात लोढा – विधी, न्याय मंत्रालय

हेही वाचा : अजित पवारांसह राष्ट्रवादीचे बडे नेते उद्धव ठाकरेंच्या भेटीला, ‘मातोश्री’वर ३ मुद्द्यांवर खलबतं

शिंदे गटाकडून संभाव्य खातेवाटप कसे?

एकनाथ शिंदे – नगरविकास मंत्रालय
गुलाबराव पाटील – पाणीपुरवठा मंत्रालय
दादा भुसे – कृषी मंत्रालय
संजय राठोड – ग्रामविकास मंत्रालय
संदिपान भुमरे – रोजगार हमी योजना मंत्रालय
उदय सामंत – उद्योग मंत्रालय
तानाजी सावंत – उच्च आणि तंत्र शिक्षण मंत्रालय
अब्दुल सत्तार – अल्पसंख्याक विकास मंत्रालय
दीपक केसरकर – पर्यटन आणि पर्यावरण मंत्रालय
शंभुराज देसाई – उत्पादन शुल्क

हेही वाचा : युवासेनेतून ३५ राजीनामे, सरदेसाईंच्या हालचाली, नि शिंदे गटाकडे वळलेली पावलं ‘सेना भवनावर



Source link

Leave a Reply

Your email address will not be published.

en_USEnglish