‘राहुल-अंजलीच्या वऱ्हाडा’ने ट्रान्सपोर्टचं घोडं अडलं, दीड हजार ट्रक एकाच जागी का?


जालना : प्राप्तिकराच्या ‘वऱ्हाडा’मुळे स्टील कंपन्यांमधून माल बाहेर पडेनासा झालाय. स्टील कंपन्यांमधून माल मिळत नसल्यानं लोखंडी सळई वाहतूक करणारा ट्रान्सपोर्ट व्यवसाय ठप्प झाला आहे. जवळपास गेल्या दहा दिवसांपासून तब्बल दीड हजार ट्रक एकाच ठिकाणी उभे असल्याचं समोर आहे.

जालन्यातील स्टील उत्पादक कंपन्यांवर आयकर विभागाच्या वऱ्हाडाने धाडसत्र अवलंबल्यानं जालन्यातील लोखंडी सळई वाहतूक करणारा ट्रान्सपोर्ट व्यवसाय ठप्प झाला आहे. 3 ऑगस्टपासून लोखंडी सळईची वाहतूक करणारा ट्रान्सपोर्ट व्यवसाय ठप्प झाल्यानं हा व्यवसाय कधी सुरु होतो याची प्रतीक्षा ट्रक चालकांसह व्यावसायिकांना लागली आहे.

जालना जिल्ह्यात मागील आठवडाभरात आयकर विभागाने टाकलेल्या छाप्यांमध्ये मोठं घबाड हाती लागलं आहे. गेल्या आठ दिवसांपासून छापेमारी सुरू आहे. या कारवाईमध्ये तब्बल ५८ कोटींची रोकड जप्त करण्यात आली आहे. या कारवाईमुळे फक्त राज्यातच नव्हे तर देशातही खळबळ उडाली आहे. स्टील कारखानदार आणि इतर व्यावसायिकांच्या मालमत्तांवरील छाप्यात अजूनही ३० लॉकर्सचा तपास सुरू आहे. ‘राहुल वेड्स अंजली’ असे स्टिकर्स लावून आयकर विभागाचे कर्मचारी अनेक गाड्यांमध्ये जालन्यात दाखल झाले होते.

हेही वाचा : अमरावतीत भरचौकात गोळीबार, पण निशाणा चुकला, १३ वर्षीय विद्यार्थिनी थेट रुग्णालयात

आयकर विभागाच्या धाडीमुळे ठप्प झालेल्या ट्रान्सपोर्ट व्यवसायाचा ट्रक चालकांना त्रास होत असून कंपनीतून माल मिळत नसल्यानं ट्रक वाहतूक ठप्प झाली आहे. त्यामुळे तातडीने कंपन्यांनी ट्रक चालकांना माल द्यावा आणि ट्रक वाहतूक सुरू करावी अशी मागणी जालना जिल्हा मोटार ओनर्स अँड ट्रान्सपोर्ट एजंट असोसिएशनचे अध्यक्ष सुरेश उपाध्याय यांनी केली आहे.

हेही वाचा : अनुष्काचा सिनेमा १५ वेळा पाहिला, डोक्यात एकच खूळ, शेवटी २० लीटर पेट्रोल अंगावर ओतून पेटवलं

प्राप्तिकर विभागाने वऱ्हाड अजूनही जालन्यात ठाण मांडून बसलेले असून काही व्यापाऱ्यांची व काही बँकांची कागदपत्रांची तपासणी सुरू असल्याची चर्चा दिवसभर चालूच आहे. अतिशय नियोजनबद्ध व गोपनीयरित्या टाकलेल्या या रेडबद्दल अजूनही नवनवे आडाखे बांधले जात आहेत.

हेही वाचा : कासकडून साताऱ्याला जाताना भीषण अपघात, सात जणांसह कार थेट ६०० फूट खोल दरीत



Source link

Leave a Reply

Your email address will not be published.

en_USEnglish