निर्मात्यानं फसवून लेस्बियन सीन शूट केला; अभिनेत्रीचा आरोप

निर्मात्यानं फसवून लेस्बियन सीन शूट केला; अभिनेत्रीचा आरोप
निर्मात्यानं फसवून लेस्बियन सीन शूट केला; अभिनेत्रीचा आरोप


मुंबई : बिग बॉस ओटीटीमुळे चर्चेत आलेली उर्फी जावेद सध्या तिच्या फॅशनेबल अंदाज आणि तिच्या अनोख्या स्टाईलमुळे गेल्या काही दिवसांपासून चर्चेत आली आहे. तिच्या या अशा कपड्यांच्या स्टाईलमुळे तिला सोशल मीडियावर खूपच ट्रोल केले जाते. अर्थात त्यामुळे उर्फीला काही फरक पडत नाही. उर्फी जेव्हा अभिनयाच्या क्षेत्रात आली तेव्हा तिने खूप संघर्ष केला आहे. उर्फी जावेद ही पारंपरिक रुढीवादी घरातील आहे. अशा घरामध्ये काहीही बोलण्याचे स्वातंत्र्य नव्हते. त्यामुळे उर्फी घरातून पळून मुंबईला आली.

मुंबईमध्ये राहण्यासाठी उर्फीकडे पैसे नव्हते ना राहण्यासाठी घर… तिला काम देण्यासाठी तिच्यामागे कुणी गॉडफादर ही नव्हता. त्यामुळे स्ट्रगल करण्याशिवाय तिला काहीच पर्याय नव्हता. परंतु हा स्ट्रगल करताना तिला एक अतिशय वाईट अनुभव आला. तो अनुभव उर्फीने ईटाईम्सला दिलेल्या मुलाखतीमध्ये सांगितला आहे.

काय म्हणाली उर्फी
उर्फीने ई टाईम्सला दिलेल्या मुलाखतीमध्ये सांगितले की, ‘ आर्थिक तंगी आणि घरातून पळून आल्यामुळे ते दिवस माझ्यासाठी खूप कठीण होते. परंतु करीअरच्या सुरुवातीलाच घडलेल्या एका घटनेमुळे मला प्रचंड मोठा धक्का बसला. मला एका वेब सीरिजमध्ये काम करण्याची संधी मिळाली होती. त्या सीरिजचे चित्रीकरण करताना अतिशय भयानक अनुभव आला. जेव्हा चित्रीकरणाला सुरुवात झाली तेव्हा निर्मात्यांनी मला एक विचित्र अशी गोष्ट करायला सांगितली. तो निर्माता माझ्याकडेच बघत होता आणि त्याने मला लेस्बियन सीन करायला सांगितला.’

निर्मात्याने दिली धमकी
उर्फीने या मुलाखतीमध्ये पुढे सांगितले की,’ हे त्या निर्मात्यांनी मला सांगितले तेव्हा मी तिथल्या बेडवर बसून रडत होती. त्याच्यासमोर हात जोडत होती आणि विनवत होते की, मला असं काही करायचे नाहीये. मी हे नाही शकणार. परंतु त्या निर्मात्याने माझे अजिबात ऐकले नाही. तो मला सातत धमकी देत होता की तू काँट्रॅक्ट केले आहेस. तू जर हे केले नाहीस तर तुला तुरुंगात पाठवीन. मी तेव्हा इथे नवीन होते. त्यामुळे मी काय करते आहे मला देखील समजत नव्हते.

घरातून पळून आली होती उर्फी
या मुलाखतीमध्ये उर्फीला घरातून पळून जाण्याबद्दल विचारण्यात आले तेव्हा तिने सांगितले की,’ त्या तरुणवयात मला पळून जाण्याशिवाय कोणताच पर्याय नव्हता. जर माझ्याकडे पर्याय असता तर मी घरातून पळून आले नसते. माझे बालपण खूप वाईट होते. सुदैवाने मला शिकण्याची संधी मिळाली त्याच्या जोरावर मी घरातून पळून आले. अर्थात अशी संधी प्रत्येकाला मिळतेच असे नाही.’

म्हणून घरातून पळाले
घरातून पळण्याचे कारण काय होते असे उर्फीला विचारले त्यावर तिने सांगितले की, ‘ मला मुलींसाठी उदाहरण बनायचे होते. जेव्हा मुलींना स्वयंपाक करायला शिका नाही तर लग्नानंतर तुमचे काय होणार असे सांगितले जाते. तू मुलगी आहेस, तू अशीच रहा असे सांगितले जाते. या पार्श्वभूमीवर मुलींसाठी मला स्वतः एक उदाहरण बनायचे होते.’

म्हणून उर्फीने केली बंडखोरी
उर्फीने या मुलाखतीमध्ये पुढे सांगितले की, ‘ मी पारंपरिक मुस्लिम कुटुंबातून आली आहे. तिथे मुलींवर खूप निर्बंध आहेत. मला मुलांशी बोलण्यावर बंदी होती. कायम पूर्ण कपड्यांमध्ये वावरण्यास सांगितले जायचे. मुलींना फक्त लग्नाचाच विचार करायला सांगितले जायचे. या सगळ्या गोष्टींमुळे मी बंडखोर झाले आणि घरातून पळून आले. घरातून पळून आल्यावर मला जे स्वातंत्र्य मिळाले आहे त्याचा मी आनंदाने उपभोग घेत आहे. आता मी माझ्या आवडीचे कपडे घालू शकते…’

खूप नकार ऐकले

उर्फी जावेदला कायम अभिनेत्री व्हायचे होते. परंतु ती रुढीवादी घरातली असल्याने तिला अभिनेत्री बनणे शक्य नव्हते. परंतु तिने बंडखोरी करत अभिनेत्री होण्यासाठी प्रचंड धडपड केली. त्यासाठी तिने सुरुवातीला खूप नकार सोसले आहेत…



Source link

Leave a Reply

Your email address will not be published. Required fields are marked *

en_USEnglish
%d bloggers like this: