सीताराम कुंटेंना मुदतवाढ देण्याचा प्रस्ताव केंद्राने स्वीकारला नाही; देबाशीष चक्रवर्ती राज्याचे नवे मुख्य सचिव

सीताराम कुंटेंना मुदतवाढ देण्याचा प्रस्ताव केंद्राने स्वीकारला नाही; देबाशीष चक्रवर्ती राज्याचे नवे मुख्य सचिव


हायलाइट्स:

  • राज्याच्या मुख्य सचिवपदावरून सीताराम कुंटे निवृत्त.
  • देबाशीष चक्रवर्ती झाले राज्याचे नवे मुख्य सचिव.
  • सीताराम कुंटे यांची सचिवालयाच्या प्रधान सल्लागारपदी नियुक्ती.

मुंबई: राज्याचे मुख्य सचिव सीताराम कुंटे (Seetaram Kunte) आज आपल्या पदावरून निवृत्त झाले आहेत. त्यांच्या जागी नियोजन विभागाचे अतिरिक्त मुख्य सचिव देवाशीष चक्रवर्ती (Debashish Chakraborty) यांची नियुक्ती करण्यात आली आहे. कुंटे यांचा कार्यकाळ आज संपत असल्याने त्यांना तीन महिन्यांची मुदतवाढ देण्याचा प्रस्ताव राज्य सरकारनं केंद्राकडे पाठवला होता. मात्र, केंद्रानं हा प्रस्ताव फेटाळल्यामुळे सीताराम कुंटे राज्याच्या मुख्य सचिव पदावरुन आज निवृत्त झाले. चक्रवर्ती यांनी आज राज्याच्या मुख्य सचिवपदाचा पदभार स्वीकारला. (debashish chakraborty has been appointed as the chief secretary of the state while sitaram kunte has been appointed as the principal adviser to the secretariat)

क्लिक करा आणि वाचा- मुख्यमंत्री उद्धव ठाकरे ममता बॅनर्जींना भेटणार नाहीत; राऊत यांनी सांगितले कारण

राज्य सरकारने सीताराम कुंटे यांना तीन महिने मुदतवाढ देण्याचा केंद्र सरकारकडे पाठवला होता. मात्र, आज शेवटच्या दिवशी संध्याकाळपर्यंतही राज्य सरकारचा प्रस्ताव मंजूर करण्यात आला नाही. हे लक्षात आल्यानंतर अखेर कुंटे यांना नियमाप्रमाणे निवृत्त व्हावेच लागले. म्हणूनच पर्यायाने राज्य सरकारला नव्या मुख्य सचिवांची नियुक्ती करावी लागली आहे.

राज्याच्या मुख्य सचिव पदावर विराजमान झालेले देबाशिष चक्रवर्ती हे सन १९८६ च्या बॅचचे आयएएस अधिकारी आहेत. चक्रवर्ती यांना आता एकूण तीन महिन्याचा कार्यकाळ मिळणार आहे. ते पुढील वर्षी फेब्रुवारी २०२२ मध्ये निवृत्त होत आहेत.

क्लिक करा आणि वाचा- ममता मुंबईत Live: दीदींनी वाहिली शहीद तुकाराम ओंबळेंना श्रद्धांजली

कुंटे बनले मुख्यमंत्री सचिवालयाचे प्रधान सल्लागार

राज्याच्या मुख्य सचिवरदावरून पायउतार झालेले सीताराम कुंटे हे मुख्यमंत्री उद्धव ठाकरे यांच्या विश्वासातील अधिकारी असल्याचे मानले जाते. याचा प्रत्यय त्यांच्या नव्या नियुक्तीवरून आला आहे. आता मुख्य सचिव पदावरून निवृत्त झालेल्या कुंटे यांना मुख्यमंत्री सचिवालयात प्रधान सल्लागार हे महत्त्वाचे पद देण्यात आले आहे.

क्लिक करा आणि वाचा- महापरिनिर्वाण दिन: ‘बाबासाहेबांना घरातूनच करा अभिवादन’; नवी नियमावली जाहीर



Source link

Leave a Reply

Your email address will not be published.

en_USEnglish
%d bloggers like this: