Narendra Giri: जमिनीवर पडलेला मृतदेह, पंखा चालू; नरेंद्र गिरींच्या व्हिडिओमुळे गूढ वाढलं

[ad_1]

हायलाइट्स:

  • महंत नरेंद्र गिरी मृत्यू प्रकरण
  • घटनास्थळाचा व्हिडिओ समोर
  • व्हिडिओतून आणखी काही प्रश्न उपस्थित

प्रयागराज : अखिल भारतीय आखाडा परिषदेचे अध्यक्ष महंत नरेंद्र गिरी यांच्या मृत्यूनंतर दररोज नवनवे खुलासे समोर येत आहेत. आता, नरेंद्र गिरी यांच्या मृत्यूची माहिती मिळाल्यानंतर पोलीस घटनास्थळी पोहचले तेव्हा काय दृश्यं समोर दिसलं हे एका व्हिडिओच्या माध्यमातून समोर आलंय.

पोलीस घटनास्थळी पोहचले तेव्हा व्हिडिओमध्ये दिसत असलेल्या दृश्यानुसार, नरेंद्र गिरी यांचा मृतदेह पंख्याखाली जमिनीवर पडलेला दिसून आला. आश्चर्याची बाब म्हणजे, यावेळी पंखा सुरू होता. यानंतर नरेंद्र गिरी यांच्या आत्महत्येच्या दाव्यावर अनेक प्रश्नचिन्ह उपस्थित होत आहेत.

संबंधित व्हिडिओची संवेदनशीलता ध्यानात घेता हा व्हिडिओ प्रसारीत करता येणार नाही. जवळपास १ मिनिट आणि ४५ सेकंदांचा हा व्हिडिओ आहे. तसंच या व्हिडिओत घटनास्थळी दाखल झालेले पोलीस अधिकारी मठातील शिष्यांकडून माहिती घेताना दिसत आहेत.

पोलीस घटनास्थळी पोहचले तेव्हा महंत नरेंद्र गिरी यांचा मृतदेह जमिनीवर पडलेला होता. त्यांच्याजवळच बलबीर गिरी उभे होते. पंख्याच्या रॉडमध्ये पिवळ्या रंगाचा एक नायलॉन दोरखंड अडकलेला या व्हिडिओत दिसून येतोय. याच दोरखंडाचा अर्धा भाग जमिनीवर पडलेल्या महंतांच्या गळ्यात अडकलेला होता.

narendra giri death : नरेंद्र गिरींची आत्महत्या की हत्या? योगी सरकारची CBI चौकशीची शिफारस
sakshi maharaj : नरेंद्र गिरींची हत्या झाली? भाजप खासदार साक्षी महाराजांचा मोठा दावा
या दोरखंडाचे तीन तुकडे झालेले व्हिडिओत दिसून आले. एक पंख्याला दुसरा मृतदेहाच्या गळ्याला तर तिसरा भाग बाजुच्या आरशाच्या टेबलवर ठेवलेला दिसून आला.

व्हिडिओमध्ये महानिरीक्षक के पी सिंह हेदेखील दिसून येत आहेत. महंतांच्या शिष्यांकडून माहिती घेत असताना पोलीस महानिरीक्षकांनी पंख्याबद्दलही विचारणा केली. तेव्हा बाजुला उभ्या असलेल्या सुमित यांनी आपणच पंखा सुरू केल्याची माहिती दिली. शिष्यांनीच मृतदेह खाली उतरवल्याचंही म्हटलं.

नरेंद्र गिरी यांच्या मृतदेहाजवळ एक सुसाईड नोटही सापडली होती. यात महंतांचा शिष्य आनंद गिरी याच्यावर मानसिक छळाचे आरोप करत आपल्या मृत्यूला जबाबदार धरत असल्याचा उल्लेख महंतांकडून करण्यात आला होता. परंतु, या सुसाईड नोटवरही अनेक प्रश्नचिन्ह निर्माण होत आहेत. अनेक संतांच्या आणि शिष्यांच्या म्हणण्यानुसार, नरेंद्र गिरी आत्महत्या करणं शक्य नाही. हे एक कटासहीत हत्येचं प्रकरण असल्याचा दावा त्यांच्याकडून करण्यात येतोय.

उत्तर प्रदेश सरकारनं या प्रकरणाच्या चौकशीसाठी एका एसआयटीचं गठन केलं होतं. परंतु, आता राज्य सरकारकडून सीबीआय चौकशीची मागणी करण्यात आलीय.

Narendra Modi: विमान प्रवासातही काम सुटेना, पंतप्रधान मोदींनी शेअर केला फोटो
Shivraj Singh Chouhan: मुख्यमंत्री शिवराज दबावाखाली? दिल्लीत नेत्यांच्या भेटीगाठींचा सपाटा

[ad_2]

Source link

Leave a Reply

Your email address will not be published. Required fields are marked *