Punjab Breaking: पंजाबमध्ये खळबळ; CM चन्नी यांच्या पुतण्याच्या घरी सापडले मोठे घबाड, तब्बल…

Punjab Breaking: पंजाबमध्ये खळबळ; CM चन्नी यांच्या पुतण्याच्या घरी सापडले मोठे घबाड, तब्बल…


हायलाइट्स:

  • ईडीच्या कारवाईने पंजाबमध्ये मोठी खळबळ.
  • चन्नी यांच्या पुतण्याच्या घरी सापडले घबाड.
  • चार कोटी रुपयांची रोकड केली जप्त.

चंदीगड: पंजाबचे मुख्यमंत्री चरणजीतसिंग चन्नी यांच्या पुतण्याच्या घरी सक्तवसुली संचालनालयाने छापा टाकला असून या कारवाईत तब्बल चार कोटी रुपयांची रोकड व काही महत्त्वाचे कागदपत्रे हस्तगत करण्यात आली आहेत. पंजाबमध्ये विधानसभा निवडणुकांची धामधूम सुरू असतानाच चन्नी यांच्या कुटुंबातील सदस्यावर ईडीचा छापा पडल्याने मोठी खळबळ उडाली आहे. दरम्यान, या कारवाईवर मुख्यमंत्री चन्नी यांनी तीव्र प्रतिक्रिया दिली असून केंद्र सरकारवर निशाणा साधला आहे. ( Punjab Illegal Sand Mining Case )

वाचा: मोदींच्या सुरक्षेत चूक: खलिस्तान्यांची इंदू मल्होत्रांना धमकी; ‘चौकशी कराल तर…’

पंजाबमध्ये अवैध वाळू उत्खननाचा मुद्दा गाजत आहे. निवडणुकीतही हा मुद्दा कळीचा ठरला आहे. माजी मुख्यमंत्री कॅप्टन अमरिंदर सिंग यांनी यावरून राज्य सरकारवर गंभीर आरोप केले आहेत. असे असतानाच या प्रकरणात मनी लाँडरिंगचा ईडीकडून तपास सुरू असून त्याच अनुषंगाने ईडी पथकाने मंगळवारी पंजाबमधील मोहाली व लुधियाना येथे कारवाई केली. मोहाली येथे मुख्यमंत्री चन्नी यांचे पुतणे भुपिंदर सिंग हनी यांच्या घरी छापा टाकण्यात आला. त्यांच्या घरातून ४ कोटी रुपये इतकी रोकड व प्रॉपर्टीसंबंधी महत्त्वाचे दस्तावेज ताब्यात घेण्यात आले आहेत. त्याचवेळी लुधियाना येथे संदीप कुमार यांच्या घरी छापा टाकण्यात आला असून त्यांच्या घरातून दोन कोटींची रोकड जप्त करण्यात आली आहे.

वाचा: दिल्लीत दहशतवाद्यांनी प्लांट केला होता बॉम्ब!; ‘या’ पत्रामुळे उडाली खळबळ

दरम्यान, भुपिंदर सिंग हनी यांच्यावर २०१८ मध्ये अवैध वाळू उत्खनन प्रकरणी गुन्हा दाखल करण्यात आला होता. पोलीस व संबंधित विभागांच्या पथकाने त्यावेळी त्यांच्या घरी छापाही टाकला होता. आता ऐन निवडणुकीच्या धामधुमीत भूपिंदर यांच्या घरी छापा पडल्याने त्यावरून आरोप-प्रत्यारोपाच्या फैरी झडण्यास सुरुवात झाली आहे.

चन्नी यांचा केंद्रावर थेट आरोप

निवडणूक असल्याने दबाव टाकण्याच्या उद्देशानेच ही कारवाई करण्यात आली आहे, असा आरोप मुख्यमंत्री चन्नी यांनी केला. पश्चिम बंगालमध्ये विधानसभा निवडणुकीवेळी ममता बॅनर्जी यांच्या नातेवाईकांना लक्ष्य करण्यात आले होते. आता पंजाबमध्येही तशाच प्रकारच्या कारवाया केल्या जात आहेत. केवळ मी किंवा आमचे मंत्रीच नाहीत तर काँग्रेसचे नेते आणि कार्यकर्त्यांनाही भीती घातली जात आहे. ही बाब लोकशाहीसाठी घातक आहे, अशा शब्दांत चन्नी यांनी थेट केंद्र सरकारवर निशाणा साधला. केंद्रीय यंत्रणा वापरून आमच्यावर कितीही दबाव आणला गेला तरी आम्ही झुकणार नाही, असा इशाराच चन्नी यांनी दिला.

वाचा: राकेश टिकैत यांचा पाठिंबा कोणत्या पक्षाला?; अखेर भूमिका केली स्पष्ट



Source link

Leave a Reply

Your email address will not be published.

en_USEnglish
%d bloggers like this: