Punjab Police: दहशतवादी हल्ल्याचा कट उधळला, पंजाबमध्ये तिघांना अटक

[ad_1]

हायलाइट्स:

  • घातपाताचा मोठा कट उधळला
  • तीन जणांना हत्यारे आणि स्फोटकांसहीत अटक
  • स्फोटकं कुणाकडून आणि कोणत्या मार्गानं पोहचवण्यात आली?

चंदीगड : दहशतवादाविरुद्ध कारवाई करत पंजाब पोलिसांनी हत्यारे आणि स्फोटकांसहीत तीन जणांना अटक केल्याची माहिती मिळतेय. पंजाब पोलिसांच्या सतर्कतेमुळे संभाव्य दहशतवादी कारवायांना वेळीच आळा घालण्यात यश मिळालंय.

पंजाबच्या तरनतारण जिह्यात घातपात घडवून आणण्याच्या प्रयत्नात असलेल्या या तीन दहशतवाद्यांना अटक केल्यानंतर पोलिसांनी संपूर्ण क्षेत्राला घेराव घालत शोध मोहीम सुरू केलीय.

मिळालेल्या माहितीनुसार, तीनही दहशतवादी पंजाबच्याच मोगा जिल्ह्याचे रहिवासी आहेत. कुलविंदर सिंह, कमलप्रीत सिंह आणि कंवरपाल सिंह अशी या तिघांची नावे आहेत.

तरनतारणचे एसएसपी उपिंदरजीत सिंह घुम्मण यांनी दिलेल्या माहितीनुसार, स्टेशन प्रभारी नवदीप सिंह आपल्या टीमसोबत गस्तीवर असताना त्यांना काही संशयास्पद हालचाली जाणवल्या. जिल्ह्यातील भगवानपुरा नाक्याजवळ पोलिसांच्या टीमनं एका संशयास्पद गाडीला रोखलं. या गाडीतून तीन जण प्रवास करत होते.

Narendra Giri: जमिनीवर पडलेला मृतदेह, पंखा चालू; नरेंद्र गिरींच्या व्हिडिओमुळे गूढ वाढलं
Shivraj Singh Chouhan: मुख्यमंत्री शिवराज दबावाखाली? दिल्लीत नेत्यांच्या भेटीगाठींचा सपाटा

या तिघांची चौकशी करताना त्यांची झाडाझडती घेण्यात आली. यावेळी गाडीत हत्यारे आणि स्फोटकंही पोलिसांना आढळून आली. तिघांच्या झडतीत एक ९ एम एम पिस्तूल, ११ काडतुसं, एक परदेशी हातबॉम्ब आणि इतर स्फोटक वस्तू जप्त करण्यात आल्या.

तीनही दहशतवाद्यांना न्यायालयासमोर हजर केल्यानंतर पोलीस कोठडीची मागणी करण्यात येणार असल्याची माहिती पोलिसांनी दिलीय.

तिघांच्या अटकेनंतर त्यांचे ठावठिकाणे आणि त्यांना मदत करणाऱ्या इतरांचा शोध पोलिसांनी सुरू केलाय. यासाठी पोलिसांकडून शोध मोहीम राबवण्यात येतेय. या दहशतवाद्यांपर्यंत हत्यारं आणि स्फोटकं कुणाकडून आणि कोणत्या मार्गानं पोहचवण्यात आली, याचाही तपास पोलीस करत आहेत.

पेगॅसस हेरगिरी प्रकरण : तज्ज्ञांच्या समितीकडून चौकशी, SC चा निर्णय
OBC Reservation: महाराष्ट्राला ओबीसी इम्पेरिकल डेटा देण्यास केंद्राचा नकार, सुनावणी पुढे ढकलली

[ad_2]

Source link

Leave a Reply

Your email address will not be published. Required fields are marked *