bullock cart race : थरारक… शर्यतीवेळी बैलगाडा थेट गर्दीत घुसला; १ ठार, अनेक जखमी

[ad_1]

नेरळ, रायगड : बैलगाडा शर्यतीत घडलेली थरारक घटना समोर ( bullock cart race ) आली आहे. या घटनेचा व्हिडिओही व्हायरल झाला आहे. बैलगाडा गर्दीत घुसल्याने एका ६६ वर्षीय ज्येष्ठ नागरिकाचा मृत्यू झाला आहे. तर अनेक जण जखमी झाले आहेत. या बैलगाडा शर्यतीसाठी आयोजकांनी कुठलीही परवानगी घेतली नसल्याचं समोर ( bullock cart race in raigad one killed ) आलं आहे. अवैधपणे ही शर्यत आयोजित केल्याचं सांगण्यात येत आहे. ही घटना शुक्रवारी सकाळी घडली आहे.

पोलिसांनी घटनेची स्वतःहून दखल घेतली आहे. नेरळ पोलिसांनी या प्रकरणी रविवारी गुन्हा दाखल केला. अवैधपणे बैलगाडा शर्यत आयोजित केल्याप्रकरणी अज्ञातांविरोधात हा गुन्हा दाखल करण्यात आला आहे. कोविड नियमांचं उल्लंघन प्रकरणी आपत्ती व्यवस्थापन कायद्याअंतर्गत हा गुन्हा दाखल करण्यात आला आहे. यासोबतच प्राण्यांना क्रूरतेने वागवण्यास प्रतिबंध घालणाऱ्या कायद्याअंतर्गत गुन्हा नोंदवण्यात आला आहे.

बैलगाडा शर्यतीत एका अज्ञाताच्या हलगर्जीपणामुळे बैलगाडा बाजूला उभ्या असलेल्या गर्दीत घुसला. यामुळे एका ज्येष्ठ नागरिकाचा त्यात मृत्यू झाला. तर अनेक जण जखमी झाले. या प्रकरणी विविध कलमांतर्गत गुन्हा दाखल करण्यात आला आहे. तसंच प्राण्यांना क्रूरतेने वागवण्यास प्रतिबंध घालणाऱ्या कायद्याअंतर्गतही गुन्हा नोंदवला गेला आहे. शर्यतीत बैलगाडा चालक हा बैलांना काठीने आणि चाबकाने बैलजोडीला मारत होता, असा आरोप आहे.

Fire: अलिबागच्या कनकेश्वर डोंगरावर वणवा पेटला; औषधी वनस्पती, झाडं जळून खाक

बैलगाडा शर्यतीत मृत्यू झालेल्या ज्येष्ठ नागरिकाची ओळख पटली आहे. त्यांचे नाव दौलत देशमुख असे आहे. कर्जत तालुक्यातील छोचीची वाडी येथील ते रहाणारे होते. ते ते ६६ वर्षांचे होते. जखमींची ओळख अद्याप पटलेली नाही, अशी माहिती रायगड गुन्हे शाखेतील पोलिस निरीक्षक दयानंद गावडे यांनी दिली.

मानवी वापरासाठी महामार्ग निकृष्ट; कोर्ट कमिशनरने काढला हा निष्कर्ष

बैलगाडा शर्यत आयोजित करण्यातासाठी जिल्हाधिकाऱ्यांची परवानगी घ्यावी लागते. पण बैलगाडा शर्यतीसाठी आयोजिकांनी रायगड जिल्हाधिकाऱ्यांची कुठलीही अधिकृत परवानगी घेतलेली नव्हती.

[ad_2]

Source link

Leave a Reply

Your email address will not be published. Required fields are marked *