लोकलअभावी थांबली शिक्षणाची गाडी

लोकलअभावी थांबली शिक्षणाची गाडी



ज्युनिअर कॉलेजच्या विद्यार्थ्यांपुढे समस्या

म. टा. विशेष प्रतिनिधी मुंबई : राज्यात आठवी ते बारावीचे वर्ग सुरू करण्यात आले आहेत. मुंबईतील कॉलेजांमध्ये अकरावी आणि बारावीत शिकणारे अनेक विद्यार्थी हे कल्याण, डोंबिवली, वसई-विरार अशा दूरच्या ठिकाणांहून येत असतात. मात्र लोकल प्रवासाला मुभा नसल्याने हे विद्यार्थी प्रत्यक्ष शिक्षणापासून वंचितच आहेत. त्यातच, प्रत्यक्ष वर्ग सुरू झाल्यानंतर काही कॉलेजांनी ऑनलाइन वर्ग बंद केल्याने विद्यार्थ्यांचे मोठे शैक्षणिक नुकसान होत आहे.

मुंबईत ४ ऑक्टोबरपासून इयत्ता आठवी ते बारावीचे प्रत्यक्ष वर्ग सुरू झाले आहेत. शाळांमधील विद्यार्थी प्रत्यक्ष पोहचत असले, तरी ज्युनिअर कॉलेजांमधील बहुतांश विद्यार्थ्यांना राहत्या ठिकाणापासून दूरच्या कॉलेजमध्ये शिकतात, त्यासाठी लोकल प्रवास करावा लागतो. मात्र ज्युनिअर कॉलेजांचे विद्यार्थी १८ वर्षांच्या आतील असल्यामुळे त्यांचे अद्याप लसीकरण झालेले नाही. यामुळे या विद्यार्थ्यांना लोकल प्रवासाची मुभा मिळत नाही. यामुळे हे विद्यार्थी कॉलेजांमध्ये पोहोचू शकत नाहीत. त्यातच काही कॉलेजांनी ऑनलाइन व्याख्यानेही बंद केल्यामुळे हे विद्यार्थी शिक्षणापासून वंचित राहत आहेत.

या विद्यार्थ्यांना तसेच लशीची एक मात्रा झालेल्या शिक्षकांना प्रवासाची परवानगी द्यायची की नाही, कशा प्रकारे तिकीट उपलब्ध करून द्यायचे, याबाबत रेल्वे कार्यालयामार्फत राज्य सरकारच्या आपत्ती व्यवस्थापन विभागाला विचारणा करण्यात आली आहे. मात्र असे असले, तरी सरकारकडून अद्याप कोणताही प्रतिसाद न आल्याने या विद्यार्थ्यांना मोठा फटका बसत आहे.

शिक्षणमंत्र्यांकडे पाठपुरावा

ज्युनिअर कॉलेज तसेच मराठी शाळा संस्थाचालक संघानेही शालेय शिक्षणमंत्री वर्षा गायकवाड यांना पत्र लिहून ही अडचण शाळा सुरू होण्यापूर्वीच सांगितली होती. दक्षिण तसेच मध्य मुंबई आणि पश्चिम मुंबईत बहुतांश विद्यार्थी हे लोकलने प्रवास करून ज्युनिअर कॉलेजला येतात. अकरावीचे प्रवेश अजूनही सुरू आहेत. खासगी वाहनाने येणे मुंबईत परवडणारे नाही. त्यामुळे या विद्यार्थ्यांना प्रत्यक्ष वर्गात शिक्षण घेता येत नाही. परिणामी या विद्यार्थ्यांना उपस्थितीची सक्ती करू नये, असेही सांगण्यात आले आहे.

मुंबईतील आठवी ते बारावीच्या विद्यार्थ्यांची मंगळवारची उपस्थिती

जिल्हा एकूण शाळा सुरू असलेल्या शाळा एकूण विद्यार्थी उपस्थिती

मुंबई १,७७५ १५२१ ७,२७,२८० २,२४,५४४

ठाणे ३,१३८ २,७३६ ६,००,५८९ २,८३,००१

रायगड १,७३२ १,४४२ १,७१,४२७ १,०८,१०२

पालघर २,३६८ १,९६४ ५,०३,०१० १,६८,३७७

एकुण ९,८८० ८,४४९ २०,७४,०३४ ८,०७,६०९



Source link

Leave a Reply

Your email address will not be published. Required fields are marked *

en_USEnglish
%d bloggers like this: