Jyotiraditya Scindia: विमानामध्ये एकाच बॅगला परवानगी; परिपत्रकात नेमकं काय म्हटलंय?

एकेपी चिनाराज यांच्या पुरवणी प्रश्नाला उत्तर देताना, ज्योतिरादित्य शिंदे यांनी ही माहिती दिली. कोणतीही विमान कंपनी देशांतर्गत उड्डाणांमध्ये केबिनमध्ये एक हँडबॅगबाबत नियम लागू करत नाही हे खरे आहे का आणि तसे असल्यास त्याची कारणे काय, असा प्रश्न त्यांनी विचारला होता.

वाचा:महाराष्ट्राच्या पावलावर पाऊल; ममता बॅनर्जी यांनीही घेतला ‘हा’ मोठा निर्णय

‘ नागरी विमान वाहतूक सुरक्षा ब्युरोने २४ फेब्रुवारी २००० रोजी एकच हँडबॅगबाबत नियम लागू करण्यासाठी एक परिपत्रक जारी केले होते. यानुसार, कोणत्याही प्रवाशाला विमानात एकापेक्षा जास्त बॅग घेऊन जाण्याची परवानगी नाही ,’ असे शिंदे यांनी सांगितले. मात्र , नंतर बॅगेसह काही इतर वस्तूंनादेखील परवानगी देण्यात आली. यात महिलांची हँडबॅग, ओव्हरकोट किंवा लोकरीची चादर किंवा ब्लँकेट , कॅमेरा किंवा दुर्बिण , वाचनासाठी पुस्तके-नियतकालिके, छत्री किंवा ज्येष्ठ नागरिकांसाठी काठी, लहान मुलांसाठीचे खाद्यपदार्थ आदींचा समावेश आहे. त्याचप्रमाणे याव्यतिरिक्त ११ मे २००० रोजी जारी केलेल्या परिपत्रकात लॅपटॉप बॅगही अतिरिक्त साहित्य म्हणून नेण्याची परवानगी देण्यात आली होती , असे शिंदे यांनी सांगितले.

वाचा :वादग्रस्त ‘अफस्पा’ कायद्यासंबंधी गृहमंत्री अमित शहांकडून महत्त्वाची घोषणा