Bal Bothe: बाळ बोठेविरुद्ध आणखी एक दोषारोपपत्र; नेमकं काय आहे प्रकरण जाणून घ्या


हायलाइट्स:

  • बाळ बोठेविरुद्ध आणखी एक दोषारोपपत्र.
  • कोठडीत असताना केला मोबाइलचा वापर.
  • रेखा जरे खून प्रकरणात बोठे मुख्य आरोपी.

अहमदनगर :रेखा जरे खून प्रकरणातील मुख्य आरोपी पत्रकार बाळ बोठे याच्याविरुद्ध आणखी एक दोषारोपपत्र दाखल झाले आहे. पारनेरच्या कोठडीत असताना मोबाइलचा वापर केल्याचा गुन्हा त्याच्यासह पंधरा जणांविरुद्ध दाखल असून त्याचा तपास पूर्ण होऊन दोषारोपपत्र दाखल करण्यात आले आहे, अशी माहिती पारनेरचे पोलीस निरीक्षक घनश्याक बळप यांनी दिली. दरम्यान, बोठे विरुद्ध नगर शहरात खंडणी आणि विनयभंगाचेही गुन्हे दाखल असून त्याचा तपास अद्याप सुरूच आहे. तर जरे खून प्रकरणी जामीन अर्जावर जिल्हा न्यायालय उद्या (सोमवारी) निर्णय देणार आहे. ( Bal Bothe Latest News )

वाचा:‘…म्हणूनच माझा आवाज दाबण्याचा चंद्रकांत पाटील यांचा प्रयत्न आहे’

बाळ बोठेला अटक केल्यापासून पारनेर येथील कोठडीत ठेवण्यात आले आहे. तेथे न्यायालयीन कोठडीत असताना कोठडीत मोबाइल आढळून आला होता. उपअधीक्षक अजित पाटील, पारनेरच्या तत्कालीन तहसीलदार ज्योती देवरे, पोलीस निरीक्षक घनश्याम बळप यांनी कारागृहाची झडती घेतली होती. तेव्हा तेथील दुसऱ्या गुन्ह्यातील आरोपींकडे दोन मोबाइल सापडले होते. आरोपींनी हे मोबाइल पाइपमध्ये लपवून ठेवले होते. त्याच कोठडीत बोठेही होता. त्यामुळे मोबाइलचा वापर कोणी कोणी केला, याचा तपास पोलिसांनी केला असता बोठे यानेही वकिलाशी संपर्क करण्यासाठी त्या मोबाइलचा वापर केल्याचे आढळून आले. त्यानुसार पोलीस ठाण्यात गुन्हा दाखल करण्यात आला होता. आता त्याचा तपास पूर्ण करून या सर्व आरोपींविरुद्ध पारनेरच्या न्यायालयात दोषारोपपत्र दाखल करण्यात आले आहे.

वाचा:मुंबईत भाजप परप्रांतीय कोणाला मानत आहे?; शिवसेनेचा सवाल

दरम्यान, रेखा जरे खून प्रकरणी यापूर्वीच दोषारोपपत्र दाखल झाले आहे. या प्रकरणात जामीन मिळण्यासाठी बोठे याच्यावतीने अर्जही करण्यात आला. त्यावरील सुनावणी पूर्ण झाली असून न्यायालय २० सप्टेंबरला निकाल देणार आहे. जरे खून प्रकरणानंतर त्यापूर्वी घडलेल्या दोन घटनांचे गुन्हेही बोठेविरुद्ध दाखल झाले. एका महिलेने विनयभंगाची फिर्याद दिली आहे. तर दुसऱ्या महिलेने नोकरी टिकविण्यासाठी खंडणी मागितल्याची तक्रार केली आहे. यानुसार दोन स्वतंत्र गुन्हे दाखल झाले आहेत. त्याचा तपास अद्याप बाकी असल्याचे सांगण्यात आले.

वाचा:शिर्डी संस्थानचे नवे विश्वस्त मंडळ बेकायदेशीर?; कोर्टात देणार आव्हान



Source link

Leave a Reply

Your email address will not be published.

en_USEnglish